“Okay ka lang?”
Mabilis kong pinunasan ang luha sa mukha ko nang marinig ang boses ni Akiko. Huminga ako ng malalim saka hinanda ang ngiti ko at nilingon ito na ngayon ay nakaupo na sa inalisan ni Thunder.
“Anong nangyari sayo?” nag-aalala na tanong pa nito. Mabilis akong umiling saka tumayo.
“Uwi na tayo?” pag-aaya ko rito. Tumango naman ito saka tumayo na rin. Nauna akong maglakad at agad naman na sumunod ito. Tahimik kaming dalawa na naglalakad hanggang sa makarating sa sasakyan at makasakay. Ramdam ko na gustong magtanong ni Aki pero mas pinili nito na manahimik dahil napansin niya siguro na wala akong balak na magkwento.
Pagkarating sa bahay ay naabutan namin si Ivo na nasa living room at mukhang hinihintay kami.
“Dad asked me to tell you—”
Biglang huminto sa pagsasalita si Ivo
