JHE POV
"Opo, mader pauwi na po kami."
MABUTI na lamang at nasa byahe na kami ni Dude nang tumawag si Mader, for sure na papraning na naman iyon. Pero infairness ha, ngayon lamang ako ginabi ng ganito nang hindi kasama ang pamilya ko. Mukhang malaki talaga ang tiwala nila kay Dude.
Minsan tuloy hindi ko mapigilang di isipin ang sinabi ni Rona tungkol sa gayuma. Napangisi na lang tuloy ako sa aking sarili dahil alam kung hindi iyon totoo, siguro talagang malakas lang ang karisma ni Dude para maimpluwensyahan pati ang strikto kong mga magulang.
Makalipas ng ilang minuto habang komportable akong nakaupo sa malambot na silya sa tabi ni Dude at nilalasap ang lamig ng aircon ay nakarating na rin kami sa wakas sa tapat ng aming bahay, mabilis ang byahe sapagkat gabi na at wala nang traffic sa
