Malalim ang iniisip ni Felissa at alam sa sarili ng CEO businesswoman na hindi tama at hindi maganda ang inasal niya kanina.
Napabuntonghininga na lamang si Felissa at napagpasyahan na ayusin ang sarili. Sunod ay nagpaalam siya kay Traise na aalis muna. Nagtaka ang lalaki sa biglaang pagpapaalam. Marami pang itinanong si Traise ngunit sa huli ay wala itong nagawa nang bahagyang magtaas ng boses si Felissa sa kaniya.
“I need space, okay?”
Napatango na lamang si Traise at muli na namang napabuga ng hangin sa pag-aalala.
“Ako na ang bahala kina Wave at Leaf. Do not stress yourself, Felissa. Do not think too much,” sabi na lamang ng chef na asawa. “If you’re ready enough to discuss with me kung ano man iyan, don’t forget that I am willing and will always be willing to listen to you...”
