[MANDY]
"Kahit na ang nakita namin sa hinaharap ay mamamatay ka at magiging Devial si Dark?"
Hindi ako naka-react kaagad sa sinabi ni Teofilo sa akin. Naestatwa na naman yata ako. Sobrang nabigla kasi ako sa sinabi niya. Si Dark? Magiging Devial sa hinaharap? Hindi yun pwedeng mangyari!
"Nagulat ka ba?" tanong pa sa akin ni Teofilo. "Kami rin, nagulat. Kaya halika na. Sumama ka sa akin at kailangan nating magmadali."
"Teka lang!" reklamo ko naman sa kanya dahil hindi ko pa rin lubusang naiintindihan ang mga nangyayari. "Hindi ako papayag sa gusto niyong mangyari! Hindi ako pwedeng magdesisyon nang basta-basta sa bagay na 'to! Kailangan ko munang makausap si Dark tungkol dito!"
"Wala na tayong oras para diyan," sagot naman ni Teofilo. "Hindi mo ba alam kung ano ang posibleng mangyari k
