[MANDY]
"Marnie!" Kaagad akong nagpunta sa kwarto niya dahil sigaw siya nang sigaw, pero imbes na mga Devial ang maabutan ko doon gaya ng inaasahan ko ay ang batang si Aaron ang nakita ko. Akala ko nga noong una ay namalikmata lang ako. Pero nakita ko siya na nakatungtong na naman ito sa may bintana na mukhang binasag niya rin para makapasok siya rito sa loob ng bahay namin. May mga bakas ng dugo sa pisngi niya na siyang dahilan siguro kung bakit napasigaw ang kapatid ko. "Oh my God! Jusko namang bata ka!" sigaw ko rito sa gulat pero imbes na matakot ito na galit na ako ay ngumiti pa si Aaron nang makita ako.
"Ate Nars!" Lumapit pa ito sa akin at niyakap ako sa beywang ko. Natigilan naman ako sa pagkakabigla mula sa ginawa niya. "Mabuti naman at nandito ka! Akala ko mali ako ng napuntaha
