[MANDY]
"Pakiramdam ko talaga hindi magandang idea na magpunta tayo rito," sabi sa'kin ni Rodney habang pasakay na kami ng flight namin papunta sa resort na yun. "Paano kung mas ma-trigger lang ang trauma mo sa pagbalik mo doon?"
Napabuntong-hininga na lang ako para hindi na ako makipagsagutan sa kanya. Alam ko naman na concerned lang siya sa akin, pero hindi naman ako ganoon kahina gaya ng inaakala niya. Limang taon na ang nakalipas. Siguro naman kaya ko nang bumalik sa lugar kung saan huli kong nakasama ang kaisa-isang lalaking minahal ko nang buong-buo. Siguro naman kaya ko nang tumapak sa isla kung saan 'inspired' ang mga panaginip ko.
"Tayong dalawa lang pa naman ang pupunta. Sana pala isinama ko na lang si---"
"Mas maganda na tayong dalawa lang ang pupunta doon, Rodney," putol k
