[MANDY]
"B-Bakit tayo nandito sa St. Thaddeus?" tanong ko kay Dark, pero nasa apartment building ang buong atensiyon ko. Hindi rin kasi ako makapaniwalang nandito pa ang building na ito. Nasabi kasi noon ni Ashley isang beses na may nakabili na raw nito at balak na itong gawing isang commercial building. Nalungkot pa nga ako noon dahil isa ang building na ito sa mga bagay na nagpapaalala sa magagandang pinagsamahan namin ni Dark. At hindi lang basta-basta ang mga alaala namin sa lugar na ito, dahil dito kami unang nagkakilala.
Kaya naman laking gulat ko sa nakikita ko ngayon sa harapan ko. Mukha naman kasing walang nagbago sa lugar na ito mula sa huling beses na nandito ako. Five years ago, bago kami lumipat ng bahay ni Dark, diito pa sa apartment buildiing na ito umiikot ang mundo namin
