Ang naganap sa nakalipas na kabanata…
Lubos ang kalungkutan nina DJ, Kier, at ng mga kaibigan ni Dianne na sina Athena at Amy sa biglaang pagkawala ng babae. Hanggang ngayon ay parang ayaw pa rin nilang paniwalaan na wala na si Dianne—na ang babaeng puno ng kabaitan, pagmamahal, at pangarap ay bigla na lamang na nawala sa isang iglap.
Naroroon na rin ang rescue team habang patuloy nilang pinapatay ang apoy mula sa sumabog na sasakyan. Tahimik lamang na nakatayo si DJ, nakatulala, pinagmamasdan ang bawat kilos ng mga rescuer. Ang kanyang mga mata ay namumugto, puno ng luha, ngunit wala nang lumalabas pa—tila ba pati ang luha ay napagod na ring umiyak.
Sa gitna ng mabigat na katahimikan, lumapit ang leader ng rescue team sa kinaroroonan nina DJ at ng kanyang mga kaibigan. Ang seryosong ek
