Ang huling naganap sa nakalipas na kabanata…
Nang diretsahang tanungin ni Dianne si Gemma kung totoo bang sinadya nitong ipalaglag ang batang dinadala niya noon—at hindi si DJ ang pumilit sa kanya—walang pag-aatubiling inamin ni Gemma ang katotohanan. Isang katotohanang tuluyang gumiba sa lahat ng kasinungalingang matagal nang ipinaniwala niya kay Dianne.
Sa pagpapatuloy…
“Alam mo ba,” patuloy na wika ni Gemma, “na parang isa akong tanga noon?”
Bahagyang napahinto ito, tila binabalikan ang mga alaala na matagal na niyang ikinulong sa sarili.
“Isang babaeng nagsusumamo, nagmamakaawa sa isang lalaking ayaw naman akong piliin,” dagdag pa niya. “Ginawa ko ang lahat, Dianne. Lahat.”
Kahit kalmado na ang boses ni Gemma sa mga sandaling iyon, ramdam na ramdam ni Dianne ang lalim ng hinagpis
