Nagulat si Dianne sa biglang inasta ni Gemma. Hindi niya inaasahan ang matalim at mapanakit na salitang lumabas mula sa bibig ng babaeng minsan niyang itinuring na malapit na kaibigan. Ngunit agad din namang binawi ni Gemma ang kanyang sinabi, tila ba napagtanto nito ang pagkakamali.
“Sorry… pasensya ka na sa sinabi ko, Dianne,” wika ni Gemma habang bahagyang yumuyuko ang ulo.
“Nadala lang talaga ako ng damdamin ko. Labis kasi akong nag-aalala sa’yo. Baka kung ano na naman ang gawin ni DJ sa’yo. Siguro… malaki lang talaga ang pagmamalasakit ko sa’yo.”
Kasabay ng mga salitang iyon ay inabot ni Gemma ang kamay ni Dianne na nakapatong sa mesa, bahagyang pinisil iyon na parang humihingi ng pang-unawa.
“Naiintindihan kita, Gemma,” sagot ni Dianne.
Iyon lamang ang nasabi niya, ngunit sa loo
