NADIA
Pagpasok niya sa mismong tinutuluyan ng kanyang mga magulang ay agad niyang nakita sina Nanay, at Tatay na nanonood ng palabas sa t.v. Hindi siya napansin ng mga magulang niya dahil tutok ang atensyon ng mga ito sa pinapanood nila. Habang pinagmasdan niya ang dalawa ay hindi niya napigilan ang kanyang sarili na mapaiyak. Napaiyak siya sa sitwasyon na kinakaharap niya ngayon. Pati ang mga ito ay damay na sa sitwasyon na kinasusuungan niya. Ganito siguro ang karma dahil pumatol siya sa may asawa na. Alam niyang siya ang una, pero sa mata ng Diyos, at pati ang mga tao sa paligid nila ay alam na hindi siya ang babaeng hinarap sa altar.
Tumutulo ang kanyang mga luha habang nakatitig sa mga ito. Nakita niya ang kasiyahan sa mukha nila Nanay, at Tatay. Ayaw niyang masangkot ang mga ito sa
