DAVE
Naaliw na pinagmasdan niya si Nadia kasama ang kaibigan nitong nakikipaghabulan sa agos ng tubig dagat. Natatawa na lamang siya dahil para ngang mga bata ito. Natutuwa na nakikipagpatintero. Nandito sila ngayon sa dalampasigan. Nakahiga siya sa sun lounger kasama si Nathaniel. Napalingon siya sa kanyang kaibigan. Nakita niya ang kasiyahan sa mga mata nito. Ngayon na lang ulit niya nakita na ganito ito kasaya. Iba talaga ang charisma ni Grace dahil nahulog ang architect niyang kaibigan. Mabait naman kasi ang staff niya, at mahuhulog talaga ang loob nito dahil masipag, mabait, matulungan, at higit sa lahat ay mapagmahal na babae. Nalaman niya na may sakit ang kapatid ni Grace kaya nagsusumikap ito na makapag-ipon ng pera.
Napailing na lamang siya. Iba talaga kapag nahuhulog ka sa isa
