"OMG! Mara!" gulat pero tuwang bungad sa akin ni Andrea nang hindi niya inaasahang makikita niya ako sa mansyon. Pumunta ako rito para makausap si Nicko para linawin ang lahat sa pagitan namin. Wala naman ngayon si Kevyn dito dahil nasa farm siya ngayon. "Kumusta ka na? Na-miss ka namain." Pagkasabi niyon ay niyakap niya ako.
"Na-miss ko rin kayong lahat! Okay lang ako, e, kayo, kumusta kayo rito?" balik kong tanong. Kahit pa paano, nami-miss ko rin yong dating buhay ko dito sa mansyon. Sila Andrea ang naging kakampi ko dito kaya hindi ko sila malilimutan. Hindi nila ako iniwan kahit ang tingin sa akin ni Jenicka, isa akong magnanakaw. Sa maikling panahon ko na nakatrabaho sila, nakita ko kung gaano sila kabuting tao.
"Okay lang kami dito," aniya.
Humiwalay ako sa pagkakayakap sa kaniya
