Bigo at bagsak ang mga balikat ni Detective Shara nang marating ang crime scene. Labis ang kanyang pagkadismaya at panghihinayang—nasayang na naman ang pagkakataon para mahuli ang kilabot na serial killer na kilala bilang “The Cleaner.”
“Sayang…” bulong niya sa sarili habang pinagmamasdan ang nakabalandrang bangkay ng tatlong babae. “Kung dumating lang sana ako nang mas maaga… kung sana mas pinagbutihan ko pa…”
Nadagdagan pa ang sakit na kanyang nadarama nang makilala ang tatlong babaeng walang buhay sa lupa. Sina Angela, Maria, at Marlena—kilala rin sa bansag na “Marikit”—mga babaeng piniling talikuran ang dangal para sa ikabubuhay ng kani-kanilang pamilya. Mga babaeng nangarap ng panibagong simula, ngunit iyon ay tuluyan nang ipinagkait sa kanila ng mamamatay-taong walang kaluluwa.
Ta
