“We’re here!” masayang wika ni Jagie, sabay abot sa seatbelt ni Shara para ito’y tanggalin. Mabilis din niyang tinanggal ang sarili niyang seatbelt saka bumaba ng sasakyan, at dali-daling binuksan ang pinto sa side ni Shara. Inalalayan niya ang dalaga, maingat niyang hinawakan sa braso si Detective Shara na para bang ayaw niyang madapa o masaktan ito kahit kaunti.
Samantalang lihim namang nakaramdam ng pagkapahiya si Shara. Kanina pa kasi siya kinakabahan sa bawat kilos ni Jagie. Ang akala niya’y may gagawin itong kakaiba nang biglang huminto ang sasakyan. Ngunit heto siya ngayon, ginagalang, pinoprotektahan, at para bang isang prinsesa na binibigyan ng atensyon. Ano ba ‘tong iniisip ko? Bulong niya sa isip, pilit na itinataboy ang maling hinala.
Paglingon niya, natanaw niyang dinadala s
