Katulad noong unang beses silang kumain ni Jagie sa restaurant, napakadami na namang inorder niyang pagkain. Lahat mukhang masasarap at talaga namang natakam si Shara sa mga pagkain na nasa harapan niya.
Naging mas maalaga si Jagie sa kanya — para siyang isang reyna na pinagsisilbihan ng kanyang hari. Ramdam na ramdam ni Shara ang pagmamahal ni Jagie sa kanya, kaya mas lalo siyang hindi nagsisisi na naibigay niya ang kanyang sarili sa binata. Bukod sa maalaga ito, mahal na mahal niya rin si Jagie, kaya wala siyang nakikitang dahilan para pagsisihan ang kanyang desisyon.
Si Jagie naman ay masayang-masaya habang kasama at inaasikaso si Shara. Nais niyang ibuhos ang lahat ng kanyang pagmamahal sa dalaga, nais niyang maramdaman nito araw-araw kung gaano niya ito kamahal. Gusto niyang maging
