Pagkalabas ni Andrew sa silid ni Amanda ay nasalubong nito si Jessica.
"Doc, saan po kayo pupunta? Akala ko po ba wala kayong pupuntahan ngayon?" tanong nito sa binata.
"May bigla akong naalala, may kailangan pala akong dapat tapusin sa hospital," pagdadahilan ni Andrew.
"Gano'n po ba, Doc? Hindi niyo na ba hihintaying gumising si Amanda?" tanong pa nito.
"Ang totoo gising na siya at nakapag usap na kami, may sinabi rin akong dapat niyang pag-isipan, sana lang mapapapayag ko siya," saad ng binata.
"Ano po 'yon?" usisa agad ni Jessica.
"Mabuti pa siguro, siya na lang tanungin mo, mauna na ako. Alagaan mo siya habang wala ako," paki-usap ng binata.
"Oo naman syempre kaibigan ko kaya siya," sagot ng dalaga ng may ngiti sa labi.
"Salamat, Jessica," saad ng binata at naglakad na ito
