(WIFE)
"SALAMAT po." magalang kong ani sa may-ari ng condo unit.
Tinupi nito ang hawak na paypay at ngumiti. "Wala iyon. Ito lang ba muna ang ipupunta mo dito sa condo mo?" bahagya nitong tanong tsaka dinungaw ang iilang gamit na nasa aking likod.
Nilingon ko ang gamit ko pagtapos tumingin ulit sa may-ari nitong condo.
"Opo. Pailan-ilan muna akong maglalagay dito ng mga gamit. Kaunti lang naman ang mga gamit ko at iyong iba bibilhin ko nalang."
"Bakit kasi hindi ka nalang maghire ng magbubuhat niyan? Isang bagsakan para di ka na mahirapan sana." suhestyon nito.
Inilingan ko siya.
"Ayos lang po talaga. Salamat po." ngiti ko rito.
Kumibit ito ng balikat sabay ngiwi.
"Ikaw ang bahala. Sige mauna na ako. Kung anong gusto mong ipabagong posisyon sa mga gamit na narito, bahala ka na. Tu
