M A X I N E
"Ma'am Maxine? Mag-aalas otso na po, ma'am," pamungad na tawag sa akin ni Lourdes.
Malinaw na malinaw naman ang boses niya, at alam ko rin na tumataas na ang sikat ng araw pero sadyang nakakatamad lang gumising ngayon tuwing umaga.
"Ma'am Maxine?"
"Oh! Ugh, oo na! Tatayo na!" bulyaw ko sa kanya saka gumapang pababa ng kama.
"Ma'am ano po gusto niyong almusal?"
"Sandwich lang," pagod kong sagot tapos at humilata ulit sa sahig.
Ang bigat lang kasi ng pakiramdam ng buong katawan ko. Ayaw rin na bumukas ng mga mata ko dahil sa sinag ng araw sa umaga.
"Ma'am Maxine! Gising na po!" saway ulit sa akin ni Lourdes. Kinuha niya ang mga kamay ko saka niya ako hinatak para tumayo. Hindi naman siya nabigo at napabangon ako. Kaya nga lang hindi ako nagtuloy-tuloy sa pagtayo, i
