NAPAAGA kaysa sa inaasahan ang uwi ni Rocco sa Pilipinas. Nag-alala kasi siya kay Cielo. Napansin kasi niyang malungkot talaga ito. Ilang beses na niyang tinatanong kung bakit pero hindi siya nito sinasagot nang maayos. Rocco feels there is something wrong. Mahalaga ang trabaho niya pero mas mahalaga pa rin si Cielo.
Nang makababa sa kotse ay napansin ni Rocco na may kakaiba nga sa bahay ni Cielo. May lalaking nakaupo sa lupa sa harap ng bahay nito. Sa nakikita niya ay parang matagal na ito roon. Na-curious si Rocco. Madungis ang lalaki pero mukhang hindi naman ito pulubi. Sa halip, parang naghihintay ito roon.
"Sino po kayo?"
Tinitigan siya ng lalaki. May lungkot sa mukha nito pagkatapos ay tumingin sa bahay nina Cielo. "Papasok ka ba sa bahay na 'yan?"
Tumango si Rocco. "May kailanga
