Cute
Napapikit ako nang mariin saka dumilat ulit. Tinignan ko ang screen ng cellphone para makita kung namamalikmata lang ako pero hindi.
Kier Dominic:
I'll pick you up at 3pm.
Ganun pa rin ang nakalagay dito. Napapikit ulit ako nang mariin bago hinampas ang noo.
Tamad akong nakahiga pa rin sa kama habang inaalala ang nangyari kahapon.
Ngayon ay kinukwestyon ko na ang mga desisyon ko sa buhay. Una sa lahat, bakit naman oo ako agad nang oo? Wala man lang ni-ha ni-ho. Hindi ko man lang tinanong kung saan pupunta o anong gagawin. May pa-sure kier, sure kier agad akong nalalaman!
Napaka-kaladkarin mo naman, Nari!
Pero higit sa lahat, ang tanong ko talaga ay bakit naman ako biglang babanatan ng ganung tanong ni Kier?
Napabuntong hininga na lang ako bago pinilit ang sariling tumayo. No
