"Minsan, may mga relasyon tayong kailangan bitawan. Baka may magandang maidulot pa ang paglayo niyo sa isa't-isa. Alam kong matagal bago ka masasanay, ngunit kung nagkakasakitan na, huwag ka na munang lumapit kay Selma."
"Ang hirap lang paniwalaan na sa isang iglap lang, nawala agad yung pinagsamahan namin. Bata pa lang kami, hindi na kami mapaghiwalay. Kahit iba yung ugali at mga gusto niya, nagkakasundo pa rin kami."
Pareho nilang pinapanood si Selma na inaayos ang mga natirang gamit sa tent. Kanina niya siya natapos dahil na rin tinulungan siya ni Leon. Mag-isa itong nag-aayos. Mukhang ngayong araw na nga sila aalis. Walo silang nagtungo sa bundok ngunit iilan na lang ang uuwi. Pare-pareho nilang pinoproblema ang sasabihin nila sa pamilya ng mga kaibigang hindi pinalad.
May parte pa
