Kanina pa niya sinusundan si Gideon. Kahit saan ito magtungo ay nakabuntot siya. Ayaw niya itong tantanan kahit pa malapit na itong sumabog.
"Ano na naman 'yon?"
"Sabihin mo sa akin ang totoo! Nasaan ang mga kaibigan natin?"
"Hindi ko nga alam! Naghiwa-hiwalay kami at hindi ko na sila nahanap. Pwede bang tantanan mo na ako, Raquel?" Tugon nito at sinara ang zipper ng pantalon. Nanliliit ang mga mata nito nang humarap sa kanya.
"Sabihin mo na sa akin ang totoo, Gideon. Maawa ka naman!"
"Sabi ng hindi ko alam! Can’t you just get it through your head? Don’t be so stupid!"
Pinipigilan niya ang sariling sumabog at magwala. Mukhang ganoon din ito sa kanya. Nababasa niya sa kilos nito na higit pa roon ang nangyari sa tatlo. Hindi niya lang masabi kung ano ang kakaiba sa kinikilos nito n
