Halatang umiiwas si Selma at Gideon sa kanya. Parehong hindi makatingin ng maayos ang dalawa sa kanya.
Madalas ay nakikita niya ang mga itong nagbubulungan. Makahulugan na rin ang pagtitinginan ng mga ito. Siya lang yata ang nakakapansin dahil wala namang nababanggit ang mga kasama nila.
Nais niyang hanapin ang mga kasama. Malakas ang kutob niya na nagsisinungaling si Gideon. Na may ginawa itong masama. Nais niya itong komprontahin kung ano ba talaga ang totoong nangyari. Base sa pakikipagtawanan nito kay Selma sa lilim ng puno ay hindi ito nalungkot na may mga nawala sa kanila.
Nang malaman nito ang nangyari kay Nikki ay saglit lang itong nanahimik. Pagkatapos noon ay lumapit na ito kay Selma at hindi na mapaghiwalay ang mga ito.
Napatingin ang dalawa sa kanya. Hindi na siya nag a
