Alas-osto ng umaga, kulang ang tulog ko pero para sa'kin ay sapat na ang ilang oras na 'yon. Wala na rin naman akong ginawa kundi matulog ng matulog simula nang mawala si Via. Nasanay din akong s'ya ang gumigising sa'kin sa araw-araw kaya kailangan ko nang sanayin ang sarili ko na hindi na 'ko pwede pang umasa sa mga halik at yakap n'ya na gumigising sa'kin.
Bahagya akong lumingon kay Miguel na malalim ang tulog. Late na rin natulog si Miguel dahil may kausap s'yang pasyente kagabi. May mga celebrities din na pasyente si Miguel at mga batang kilalang mayaman ang mga magulang. Hanggang ngayon na-mamangha pa rin ako sa asawa ko. Hindi ko inakalang s'ya ang magiging asawa ko.
Marahan akong bumangon at hinalkan s'ya noo bago ako mapangiti. Marahan akong tumayo at pumunta ng banyo para maka
