Punong-puno ng kaba ang puso ko pero mas nananaig ang saya at pagka-sabik na makita ang lalaking mahal ko. Marahan nilang binuksan ang malaking pinto ng simbahan sa harap ko. Agad na bumungad sa’kin ang hindi karamihang tao pero lahat sila ay importante sa’min ni Miguel. Sinimulan kong i-angat ang aking mga paa para lumakad sa mahabang altar na ‘to. Noon ay pangarap ko lang ‘to at hindi ko aakalaing matutupad ito kasama ang lalaking mahal na mahal ko.
Agad akong sinalubong ni papa bago buksan ang kanyang mga braso para makahawak ako rito. Nakikita ko sa mga mata n’ya kung gaano s’ya ka saya para sa’kin. Bakas din sa kanyang mga ngiti ang saya at nerbyos ngayong araw na ‘to.
Nagsimula kaming mag lakad ni papa at kasabay nun ang pagtugtog ng paborito naming kanta ni Miguel, ang kantang n
