PAGHINTO ng kotse sa tapat ng Montevista Hotel ay bumukas ang pinto ng kotse. Expect kong isa sa mga valet or porter ang nagbukas ng pinto pero si Dax ang nabungaran ko. Naalala kong nakasunod siya sa kotse namin kanina.
Nilahad ni Dax ang kamay niya para alalayan ako pagbukas niya ng pinto. Napatingin naman ako kay Red na bumaba ng kotse at inabot ang susi sa valet para ipark ang kotse sa parking lot.
Seryoso ang mukha ni Dax habang nakalahad ang kamay para abutin ko. Nangungusap ang mga mata niya na parang may gustong ipahiwatig.
Hinawakan ko ang kamay niya saka ako bumaba ng kotse. Nakaalalay naman siya sa akin. Ngumiti siya nang magtama ang paningin namin.
"Napakaganda mo, Macy!" Mapungay ang mga mata niya. Napangiti naman ako sa sinabi niya.
Tumingin ako kay Red nang lumapit si
