Mukhang napansin ng lalaki ang kanyang mayat-mayang pagsulyap sa pinto, napangisi ito at bumaling sa kanya. Alam niyang may alam ito sa kanyang nararamdaman ngayon, pakiramdam niya ay binabasa nito ang kanyang iniisip palagi lalo na pag matagal itong nakatitig sa kanya. Nung una ay akala niya gandang ganda lang talaga ito sa kanya.
"May hinihintay ka bang pumasok diyan?" Nakakalokong tanong nito sa kanya.
"Wala naman baka kasi biglang bumalik si Jhai." Sagot niya dito.
Alam naman yung malaking gulo oras na maabutan ni Jhai ang lalaki sa loob lalo at hindi maganda ang duda nito sa namamagitan daw sa kanila ni Rigo. Hindi niya alam kung saan nanggaling ang selos nito para sa lalaki, sabagay halos lahat naman ng lalaking lumalapit sa kanya ay pinagseselosan nito kahit na nga ang mga kaib
