Mainit ang ulo niya, kulang pa yata ang term na init sa kanyang ulo sa kanyang nararamdaman ngayon. Lalo na sa tuwing sumasagi sa kanyang isipan ang masayang mukha ni Aqua habang kaakbay si Rigo Minese. Alam naman niya kung sino ang lalaki, lalo at matunog ang pangalan ng mga ito sa Mafia world. Di lang ito kundi maging ang mga kapatid nito na pawang mayayaman din at mapanganib na tao sa mundo ng pagnenegosyo lalo na sa mga bansang sakop ng mga ito.
Alam niyang oras na mabaling sa lalaki ang pagmamahal ni Aqua ay tiyak niyang mahihirapan na siyang mabawi pa ang dalaga at yun ang ikinakatakot niya. Alam naman niyang gago siya at marami siyang mga naging pagkukulang sa dalaga pero parang kalabisan naman yata na iwanan siya ng ganun ganun nalang.
"Anong balak mo ngayon?" Dinig niyang untag
