Nang magising si Roxanne kinabukasan, naabutan pa niya si Drake na nagbe-breakfast.
“Ganito ka ba kaagap na nagigising?” tanong ni Drake habang nagtitimpla ng kape.
“Mas maagap pa nung napasok ako sa opisina mo.”
“But now you can take it easy.”
“Nasanay lang siguro,” kibit-balikat na sagot ni Roxanne. “Sana hindi mo na lang ako pinahinto sa pagta-trabaho. Nakakainip.”
“I'm sure marami kang pwedeng gawin to occupy yourself.”
“Huwag lang charity please,” umiiling na sagot ni Roxanne. “Maghanap na lang kaya ako ng ibang trabaho. Maybe from one of your rivals?”
“Rivals? Parang wala naman akong kilala.”
“Hindi ka naman masyadong conceited ano?” pagbibiro ni Roxanne. Napatawa rin si Drake.
Napansin ni Drake ang suot niyang pambahay na simpleng cotton na house dress. “Mas bagay sa'
