Bumalik si Roxanne sa opisina ni Drake na pinaglalabanan ang takot at kaba. Paano kung sabihin ni Drake na wala lang ʼyong nangyari sa amin kagabi? Na aksidente lang ʼyon? Baka sisantehin ako at sabihing magpakalayu-layo na sa kanya.
Samu't-sari ang tumatakbo sa isip ni Roxanne. Huminga siya ng malalim bago tuluyang buksan ang pinto sa opisina ni Drake.
Nakaupo pa rin ang binata sa kanyang swivel chair at nakakunot pa rin ang noo. Naisip ni Roxanne na baka siya ang dahilan kung bakit galit si Drake.
“Have a seat.” Tinuro ni Drake ang upuan sa harap niya. “Bitawan mo muna ʼyang hawak mong notebook.”
Sumunod naman si Roxanne at hinintay niyang magsalita itong muli. Pero nanatili lang si Drake na tahimik, nakatingin sa kawalan, parang nakalimutan na may ibang tao sa loob ng opisina. P
