Nang makaalis na si Denise, dinala na ni Roxanne sa kusina ang pinagkapehan nila. Dahil hindi naman siya sanay na nag-iiwan ng mga hugasin sa lababo, hinugasan na niya ang mga ito. Patapos na siya nang marinig na may naglalakad at nang lumingon siya sa may pintuan nakita niya si Drake.
“Anong ginagawa mo?” nagtatakang tanong ni Drake.
“Naghuhugas.”
“Nagbabayad ako ng tao para siya ang gumawa niyan.”
“Well, in a way, binabayaran mo din naman ako.”
“Wala ako sa mood para sa mga pamimilosopo mo, Roxanne.”
Hindi pinansin ni Roxanne ang sinabi ni Drake. “Gusto mo ng kape?” tanong niya.
“Please use a honey.” Pagkasabi nito ay lumabas na si Drake.
Tinuyo ni Roxanne ang kanyang mga kamay at sumunod kay Drake sa library.
“Nice evening?” tanong ni Roxanne.
“No. Kung okay lang, pwede ba
