Makalipas ang ilang minuto ay binabaybay na nila ang daan patungo sa ilog. Hindi naman iyon gano'n kalayo mula sa kubo pero mas pinili nilang sumakay nang pick-up para mas madali silang makabalik doon sa kubo kung sakaling hanapin na sila ni Marco.
"Kumusta naman ang Mommy mo?" tanong niya sa dalaga.
"Oh, she's fine. Madalas pa rin mag travel dahil sa business niya."
"Sa makalawa pa ata ang dating ni Tito Mario," aniya na ang tinutukoy ay ang ama nito.
Ngumiti ito nang mapait. Bigla tuloy niyang pinagsisisihan ang pag-open ng topic patungkol sa ama nito at ni Marco. Minsan na nga palang nabanggit sa kanya ng kaibigan na malayo ang loob ni Zam sa ama ng mga ito.
"You hate this kind of life, 'no?" pag-iiba niya sa usapan.
"What do you mean?" tanong ng dalaga.
"Ayaw mong tumira sa
