“Brandon, pakihanda ng van, ngayon din.” utos ni Kylie pagkatapos ay lumapit sa anak.
“Nanang, bihisan mo ng pang alis si Sanjito, isasama ko siya.”
“Sige ho, tara na Sanjito.” agad na binuhat ni Nanang ang sanggol saka sumunod ito kay Kaylie paakyat ng hagdan.
“By the way, bente na bodyguards pakihanda. Isasama ko si Sanjito.” habol pa niyang utos kay Brandon.
Kakamot kamot naman ng ulo si Mang Kanor saka tumingin kay Brandon. Nang maka-akyat si Kylie saka nag usap ang dalawa.
“Patay na, nalintikan na tayo. Masyado ka kasing halata Brandon.” sisi ni Mang Kanor sa bodyguard.
“Anong ako? Kayo nga itong hindi marunong umarte.” tanggi naman ni Brandon. Hindi niya alam kung paano naintindihan ng kanyang Boss ang kanilang galawan at taktika.
“Siya, siya ihanda mo na ang inuutos niya. Ako
