Napangiti si Kylie nang makita niya si Mang Isko sa bago nitong suot. Kanina lamang nakashorts ito at tila basahin ang pang itaas na damit ngunit ngayon ay daig pa nito ang sasabak sa rodeo.
“O, at sino naman ang tinatanaw mo d‘yan? Hayaan mo na ‘yang si Isko, walang magawang mabuti kundi ang manira ng araw.” tawag sa kanya ni Nanang.
“Hindi, halikayo rito. Tingnan n‘yo oh. Si Mang Isko ang gwapo, parang haciendero habang nakasakay sa kabayo.”
“Naku, may saltik kasi ang tandang ‘yan. Kung ano ano ang naiisipan. Minsan nga ay nagulat na lang ako na nakasuot ng bestida na kulay puti sa gabi at tatayo d‘yan sa bakuran. Alam siguro na sa tuwing alas siyete ng gabi ay nagsasaboy ako ng tubig na pinaghugasan kaya nananakot. Alam ko naman na siya ‘yon. Hindi ko na lang pinapansin. Gusto niya
