Pag-alis ni Lea ay halos kaladkarin siya ni Kazimir papunta sa kinaroroonan ng sasakyan nito.
Pagdating sa parking lot ay ibinigay nito kay Nicholai ang susi at sinabing ito raw muna ang magmaneho dahil nga dala-dala nito ang anak nila.
Habang nasa biyahe ay wala silang imikan ni Kazimir samantalang sina Francis at Nicholai ay masayang kumakanta sa unahan na tila ba patama iyon sa kanilang dalawa.
"Ang sarap talagang ma-in love!" komento ni Nicholai habang panaka-naka itong kumakanta. "Sabi nga nila, love is lovelier the second time around."
"Sang-ayon ako sa iyo," wika naman ni Francis. "Pinapahirapan pa kasi ang mga sarili, eh, mukhang mahal naman nila ang isa't isa. Tsk! Ang hirap talaga kapag may torpe kang kakilala."
Nagulat siya ng bahagyang sipain ni Kazimir ang inuupuan ng d
