Ilang oras na ang nakalipas nang makaalis si Max at Hanz sa shop. Hindi ko na rin makita si Andrei sa labas kaya panatag na ang aking loob. Baka sumuko at umuwi na iyon papuntang Manila. Mabuti naman kung gano'n dahil wala naman siyang mapapala rito sa akin.
"Settle ka na ba?" tanong ni Liza sa akin.
Nag-aayos kasi kami ng aming sarili dahil kakain kami sa labas nina Hanz at Max. Sabi ko nga araw-araw ay nag-do-double date kaming magkasintahan.
"Oo, okay na ako. Tara na?" tanong ko sa kaniya.
"Tara! Siguro naman wala na iyong ex mo 'di ba? Hindi ka na no'n kukulitin."
"Hindi na siguro, baka umuwi na iyon hindi ko na nakikitang umaaligid sa shop eh," saad ko sa kaniya.
"Mabuti naman kung ganoon, nakakainis din minsan iyong mga ex na iyan. Sila na nga ang nanloko tapos kung makahan
