Patuloy na lumalim ang gabi at ang mga tao ay mas dumarami. Marami na rin ang naghihiyawan dahil sa magandang beat ng tugtog. Napangiwi ako ng makitang nagsasayaw si Liza sa harap ni Hanz. Samantalang ang kasintahan niya'y pilit siyang pinapahinto.
"May tama na ang kaibigan mo," bulong na saad ni Max sa akin.
"Kaya nga, mabuti na lang sanay-sanay na ako rito," dire-diretsong saad ko sa kaniya na ikinakunot niya ng noo.
"What do you mean? Suki ka na ba rito?" tanong niya sa akin kaya napangiwi ako.
"Hindi. Pero pumupunta akong club sa Manila," saad ko sa kaniya.
"Sino naman ang kasama mo roon?" tanong niya.
"Hm, friends minsan colleagues," saad ko. Hindi ko na sinabi pNg si Andrei dahil alam kong magseselos lamamg ito. Wala naman kaming imik na sa isa't-isa at napanuod na lang sa
