LIESELOTTE
DALAWANG linggo na matapos ang nangyari sa restaurant at dalawang linggo na rin akong hindi masyado pinapansin ni Boss Caius. Hindi ko tuloy alam kung galit siya sa akin o masyado lang siyang abala sa trabaho niya. Halos hindi na rin kasi siya lumalabas ng kwarto niya, lalabas lang kapag kakain. Tulad ngayon, tahimik siyang kumakain ng niluto kong pritong itlog na medyo sunog dahil sa kaka-cellphone ko. Mabuti na nga lang at hindi siya nagalit.
“Quit staring.”
Nanlaki ang mata ko at mabilis na nag-iwas ng tingin nang marinig ang kaniyang sinabi. Hindi naman siya nakatingin sa akin kaya paano niyang nalamang nakatitig ako? Hindi kaya, alien talaga siya? Muli ko siyang binalingan ng tingin at nagsalubong ang aking kilay nang makitang nakatitig lamang siya sa kutsara na tila ba
