LIESELOTTE
MATAPOS iyon sabihin ni Boss Caius ay malalaki ang hakbang ko na lumapit sa kaniya. Bahagya ko pang nilingon ang lalaki na humablot sa akin papasok sa loob ng VIP room na ito, salubong ang kaniyang kilay na sinusundan ako ng tingin. Tumayo ako sa tabi ni Boss Caius na hindi man lang ako sinulyapan at diretso ang tingin sa limang lalaki.
“Are you okay?” tanong ni Boss na hindi inaalis ang tingin sa harapan.
“Alive and kicking, Boss,” sagot ko at napahawak sa aking tiyan na biglang kumirot. Sa pagkakataong ito ay bahagya akong nilingon ni Boss, partikular na sa sugat ko. Umigting ang kaniyang panga at napansin ko ang paghinga niya nang malalim saka muling itinuon ang tingin sa mga lalaki sa harapan.
“Icarus,” bigkas ni Boss sa isang pangalan. Kumunot ang noo ko at isa-isang
