Monique
Wala akong pagsidlan ng tuwa. Titingin tingin tuloy sa akin si Nets habang nakakunot ang noo. “What?” ang tanong ko kahit na alam ko na ang tinatakbo ng kanyang isip.
“Malandi ka, sigurado akong nagpakaulayaw kayo ni Drix sa panahon ng bakasyon mo.” ang sabi niya.
“Hoy, Nenita Palacio! Kailan ka pa natutong magsalita ng ganyan? Siguro nagpakaulayaw na din kayo ng Kuya ko, ano? Umamin ka! Sasabunutan kita, sinasabi ko sayong babaero din ang isang iyon!”
“Hindi ko alam ang sinasabi mo!” Ang sagot naman niya na mamula mula pa ang mukha. Halatang halata dahil alam ko ang pakiramdam kapag usapang intimacy with Drix ang pag-uusapan.
“Sinasabi ko sayo, Nenita. Mahal kita at ikaw lang ang nag-iisang bestfriend ko. Kapag kayo ni Kuya nagkaroon ng hindi pagkakaintindihan, siguraduhin
