-SCARLET BETHANY-
Tumigil ang sasakyan sa tapat ng isang hindi kalakihang bahay. Dito na siguro ang bahay nina Yvan.
"Nandito na po tayo, Ms. Montes!" wika niya bago bumaba ng kotse. Binuksan niya ang pinto sa backseat para makalabas ako. Nang pababa na ako ay hinawakan niya ang ulo ko. Para siguro hindi ako madali pagbaba. Nang makababa ay tiningnan ko ang bahay na nasa harapan ko. Simple lang, malinis, at mukhang kasya lang sa dalawang tao.
"Welcome po, Ms. Montes! Dito po ako nakatira!" masayang wika ni Yvan habang tinuturo ang bahay nila. Tumango lang ako sa sinabi niya.
"Pasok na po tayo. Mainit na rito sa labas," aya niya sa akin. Naglakad na kami papunta sa kanilang bahay. Napahawak ako sa braso niya ng muntik na akong sumubsob. Natapilok ako dahil medyo mabato ang dinadaanan
