-SCARLET BETHANY-
Pagkatapos naming mag-usap ni Daddy ay napagplanuhan naming mag-bonding kaming buong pamilya. Ngayon na lang ulit kami nakumpleto. Pagkababa ko ay naka-ready na silang tatlo. Hindi naman halatang excited sila. Hindi na kami nag-aksaya ng oras at agad na kaming umalis. Sa kotse na lang kami ni Daddy sumakay.
Pagkarating namin sa mall ay kanya-kanya kami ng turo kung saan namin gustong pumunta. Nag-usap-usap kami na isa-isa na lang naming pupuntahan ang mga gusto namin. Ngayon ay papunta kami sa Quantum. Maglalaro kami na parang mga bata.
"Daddy, basketball po tayo. Kampi po kayo ni Mommy at kampi naman po kami ni Billy. Ang matalo ay magbabayad ng kakainin po natin sa lunch."
"Game! Game!" Nagpapalit na kami ng token pagkatapos ay inumpisahan na namin ang laro. Sanay
