DENIZ P.O.V
Tahimik ako habang pumasok sa conference room, nakaupo na sina Aziel, ang CEO, at si Annabelle kasama ang ilang mga modelong magiging parte ng final runway show. Ako naman, kalmado lang na naupo sa aking puwesto. Alam kong may plano ako, at tiwala ako sa sarili ko na ito ang magiging sandata ko laban sa mga umaasang madadaan ako sa pailalim na taktika.
Tiningnan ko si Annabelle, na nasa kabilang gilid ng mesa. Nakangiti siya, ngunit halata ang kaplastikan. Alam kong may plano rin siyang gumawa ng gulo, lalo na sa proyekto ko. May ideya na ako na nakuha na niya ang mga designs na ipi-present ng marketing designer ngayong araw, kaya hindi na ako nagulat. Gusto ko siyang paikutin, at ito na ang simula.
"Alright, let's begin," sabi ni Aziel habang seryoso siyang tumingin sa mark
