Nakangisi si Luis nang bitawan niya si Loraine. Ang yabang talaga ng isang ‘to. Hindi pa rin nagbabago. Higit sa lahat hindi pa rin nagsasawang bumuntot kay Loraine. Akala ko pa naman hindi na siya interesado sa ex-wife ko. ‘Yun pala naghihintay lang siya ng tamang panahon.
“Anong ginagawa mo dito?” asik na tanong niya.
“Nagbabakasyon. Obviously. At dinadalaw na rin ang ex-wife ko. Nalaman ko kasing nandito siya. Kaya dumaan na ako.”
Humakbang ako palapit sa kanila.
“Diyan ka lang.” dinuro niya ako ng kamay niya. Hindi ko mapigilang mapangisi. Ano bang tingin ng lalaking ‘to sa sarili niya? Sino siya para pagsabihan ako?
“Kahit kailan talaga ubod ka ng kayabangan!” niluwagan ko ang necktie at humakbang uli. “Sino ka ba para utus-utusan ako? Hindi mo ako empleyado.”
Nagtiim-bagang s
