Trinity's POV
Sobrang sama ng pakiramdam ko at sa tingin ko ay hindi na ako makakapasok. May kung anong mabigat sa katawan ko at sumasakit rin ang ulo ko. Nagkasakit na siguro ako dahil naulanan ako kahapon sa school. Bakit ba naman kasi kung kailan umulan ay saka pa ako hindi nagdala ng payong?
Pinilit kong bumangon mula sa kama ko at nagtungo sa baba para uminom ng tubig dahil nanunuyo na talaga ang lalamunan ko. Nang nasa kusina na ako ay umiikot na ang paningin ko at anytime ay babagsak na ako. Nang pabagsak na ako ay naramdaman ko na may sumalo sa akin. Pagkaangat ko ng tingin ay si Travis iyon na sobrang lapit ng mukha sa akin. Gusto ko siyang sigawan pero hindi ko nagawa dahil sa nanghihina ako. Medyo naiinis pa rin kasi ako sa kanya dahil sa ginawa niya sa akin noon sa bar.
"Are
