"HINDI ako pwedeng maghintay lang dito, ina. Hindi ako mapapalagay hangga't hindi ko nalalaman kung kumusta na ba si Arriana."
Nakikita ni Lubay ang desperasyon ng anak na makita ang kasintahan. Sa itsura nito ay mahahalatang hindi ito pinapatulog ng maayos ng pag-iisip at pag-aalala.
"Ano ang iyong balak ngayon, anak?"
"Hindi pwedeng wala akong gawin, Ina. Hahanapin ko siya!"
Nararamdaman na ni Lubay na iyon ang sasabihin ng anak ngunit nabigla pa rin siyang iyon nga ang gagawin nito. "Delikado ang iniisip mo anak!"
"Ina, 'wag kayong mag-alala sa magiging kalagayan ko sa lupa. Mag-alala kayo sa magiging kalagayan ko kung mananatili ako rito. Hindi magtatagal, mababaliw ako ina!"
Halos magsikip ang dibdib ni Lubay. "Tutol ako sa nais mo, anak. Ngunit kung iyan ang ikakapanatag ng iy
