30. SWEET CHANGES.
AUGUST 24, official na naging mag-on sina Yanna at TJ. At magdadalawang linggo na ang lumipas simula noon.
Wala namang masyadong pagbabago. Mas naging extra sweet lang sila. Hindi niya nga kinakaya ang ka-sweet-an ni TJ, e. Pero... nasobrahan naman ang loko sa sungit. Pero ibang pagkasungit. Imbis kasi na ‘yung masungit na sinusungitan ang ibang tao, hindi... kundi ipinagsusungit siya sa ibang tao.
Approachable at friendly pa rin si TJ. Syempre, lalo sa boys. Siya lang talaga. Siya lang ang ipinagsusungit nito.
“Hoy. Sino ‘yang ka-text mo?”
Nagulat siya nang biglang marinig ang boses ni TJ sa likod niya. Naitago tuloy niya bigla ang cellphone sa likod niya.
“Kailangan manggulat?” balik-tanong niya.
Pero imbis na sagutin siya nito, bigla na lang nitong kinuha ang
