ABOT hanggang tainga ang ngiti ni Jelome. Kasalukuyan silang naglalakad patungo sa direksyon nila Jericho at ng iba pang kasama habang hawak-hawak niya ang kamay ni Meera, ang pangarap niya.
“Stop smiling!” Iritable siyang pinuna ni Meera. Pasimple lang ‘yon at hindi ipinahalata ang inis sa mukha dahil maraming tao. Baka magawan pa sila ng isyu na kung ano ano nanaman, o ‘di kaya ay isipin na baka nag-aaway sila kahit hindi naman.
“Huwag kang ngumiti ng ganiyan, mukha kang tanga. Para kang asong ulol,” dagdag na pahayag niya.
“Naulol na sa ‘yo,” balik naman ng aktor.
Sa likod ng itim at tinted na salamin ni Meera ay umikot ang kaniyang dalawang mata. Hindi man iyon nakita ng aktor ngunit naramdaman at alam niyang ganoon ang magiging aksyon ni Meera.
Ngumisi siya. “Sa susunod na ii
