NAKAHINGA nang maluwag si Meera nang tumigil ang sinasakyan nilang van sa isang matayog na gate hindi kalayuan sa bayan ng siyudad. Para siyang nabunutan ng maraming tinik at nabuhayan ng loob.
Tinapik ni Jericho ang kaibigan na naka-upo sa harapan dahil nakaidlip din pala ito. Marahil ay dulot ng pagkaburyo sa tagal na inabot ng sinasabing sampung minuto ng drayber. Pati ang mga aktor at aktres na nasa likod ay tinapik din ng direktor ngunit masyadong mahimbing at malalim ang kanilang pagkakatulog kaya hindi ito naging epektibo.
Pagod din sila at tulad ni Meera ay kulang na kulang sa tulog. Bilang isang artista ay kailangan mong samantalahin ang bawat tyansa at pagkakataon na magkakaroon ka ng libreng oras upang magpahinga o matulog. Laging puyat at walang maayos na tulog kaya sa tuwi
